Ekimenez beteta dator aurtengo Barañaingo Eguna

Urtero legez, maiatza amaierarekin batera, hemen da Barañaingo Eguna. 

Ohikoa den moduan, adin guztiendako eskaintza zabala dakar egitarauak. 

Maiatzaren 24ean, ostirala, dantza emanaldi batekin abiatuko da arratsaldea (Arcadia Dance Studio). Ostean, omenaldi bat izanen da, eta honen amaieran Barañaingo kopla txapelketa musikatua. Bokatada herrikoia ere egonen da gaueko 22etan. 

Hurrengo egunean, larunbatean, goizean hasiko dira ekimenak, eta gauerarte luzatuko dira. Barañain-Tsunza elkartasun lasterketa izanen da egitarauari hasiera emanen diona, lehendabizi txikien txandasekin hasita, eta ostean helduen lasterketarekin. 

Ostean, txistorrada eta herriko eragile kultural ezberdinen emanaldia izanen da giroa alaitzen, eta eguerdian bazkari herrikoia. Arratsalderako ere egitarau potentea prestatu du Jai Batzordeak: Puzgarriak, Bingoa, Pantxo Balbuenaren kontzertua, aurpegi margoketa... 

Iluntzearekin batera Igandea txaranga izanen da herriko kaleetan, Bisaiak erromeriaren kontzertua ostean, eta ondoren musika itxierararte. 

Honetaz aparte, larunbat goizean, artisau azoka izanen da udal plazan. 

Egitarau ederra landu du Barañaingo Jai Batzordean aurtengo ediziorako.