Haur eta gazteentzat euskarazko literatura lehiaketa zabalik

Lehen eta bigarren hezkuntzako haur eta gazteek parte hartu dezakete Barañaingo Udalak antolatutako lehiaketa honetan ipuinak eta bertso paperak modalitateetan. Izena emateko epea irekia dago apirilaren 16a arte eta parte hartzeko baldintza bakarra barañaindarra izatea da.

Gaia librea da. Ipuinei dagokionez Lehen Hezkuntzako 3. eta 4. mailako ikasleek folio bat alde bietatik gehinez aurkeztu dezakete eta Lehen Hezkuntzako 5. eta 6. mailakoak eta DBHko 1. eta 2. mailakoak bi folio alde bietatik gehienez. Bertso paperen modalitatean LHko 3. eta 4. mailakoak bertso bat edo bi kopla; bi bertso edo lau kopla LHko 5. eta 6. mailakoak eta hiru bertso edo sei kopla DBHko 1. eta 2. mailakoak.

Idazlanak Herritarrak Hartzeko Bulegoan aurkeztu behar dira kartazal batekin, non agertuko diren egilearen ezizena, ikastetxea eta ikasmaila kanpoan eta barruan izen-deiturak, helbidea eta telefonoa. Epaimahia institutuko, ikastetxeko eta euskaltegiko irakasleek osatzen dute. Iaz 189 lan aurkeztu ziren. Sari banaketa maiatzaren 16an izanen da eta ondoren saritutako lanak inprimatuko dira eta liburu bat sortuko da.

Etxepare Saria

Era berean, Barañaingo Udalak beste udalekin batera antolatzen duen Etxepare Sarirako epea irekia dago maiatzaren 23a arte. Sari honetan haurrei zuzendutako euskarazko lan ilustratuak aurkeztu ahal dira. Bakarka edo taldean egindako lanak aurkeztu daitezke eta gutxienez 15 orrialde bikoitz izanen dituzte. Sari bakarra emango da, 5.000 eurokoa.

Lehiaketaren oinarriak Barañaingo Udalaren Zerbitzuen atalean (Euskara Sailan) aurkitu daitezke.